ബേക്കൽ ഇസ്ലാമിയ എ.എൽ.പി സ്കൂൾ നൂറാം വാർഷികം
ബേക്കൽ : ബേക്കൽ ഇസ്ലാമിയ എ. ഏൽ. പി സ്കൂൾ നൂറാം വാർഷികം വിപുലമായ ആഘോഷ പരിപാടികളൊടെ നടത്തുവാൻ സ്കൂൾ ചേർന്ന മാനേജ്മെന്റ്‌, പി.ടി.എ, പൂർവ്വ വിദ്യാർത്ഥികളുടെ സംയുക്ത യോഗത്തിൽ തീരുമാനമായി.
വാർഷികാഘോഷത്തിന്റെ ഭാഗമായി ആറു മാസം നീണ്ടു നിൽക്കുന്ന വിവിധ പരിപാടികൾ നടത്തുവാനും, സ്മരണിക പ്രസിദ്ധീകരിക്കുവാനും തീരൂമാനിച്ചു. പരിപാടിയുടെ വിജയത്തിനായി ഉപദേശക സമിതിയും , പ്രചാരണ സമിതിയും യോഗത്തിൽ വെച്ച് തെരഞ്ഞെടുത്തു.
യോഗത്തിൽ സ്കൂൾ മാനേജർ ഖത്തർ സാലിഹ് ഹാജി അധ്യക്ഷത വഹിച്ചു. വാർഡ് മെമ്പർ ചോണായി മുഹമ്മദ് കുഞ്ഞി ഉത്ഘാടനം ചെയ്തു. ചീഫ് കോർഡിനേറ്റർ ഗഫൂർ ഷാഫി നൂറാം വാർഷിക പരിപാടി വിശദീകരണം നടത്തി.
പി.ടി.എ പ്രസിഡണ്ട് താജുദീൻ സ്വാഗതവും, ഹെഡ്മിസ്ട്രസ് സപ്ന ടീച്ചർ നന്ദിയും പറഞ്ഞു.
