ചെർക്കളം അബ്ദുള്ള അനുസ്മരണ സംഗമം-പ്രാദേശിക സംഘാടക സമിതി രൂപീകരിച്ചു.

മഞ്ചേശ്വരം : മുൻ മന്ത്രിയും രണ്ട് പതിറ്റാണ്ടോളം മഞ്ചേശ്വരം എം.എൽ.എ യുമായിരുന്ന ചെർക്കളം അബ്ദുള്ള സാഹിബിന്റെ അനുസ്മരണ സംഗമം അദ്ധേഹത്തിന്റെ ഓർമ്മകൾ തുടിച്ചു നിൽക്കുന്ന മണ്ണായ മഞ്ചേശ്വരത്ത് അദ്ദേഹം പടുത്തുയർത്തിയ മഞ്ചേശ്വരം യതീംഖാന കോമ്പൗണ്ടിൽ 2023 നവംബർ 25 ശനിയാഴ്ച നടത്തുവാൻ തീരുമാനിച്ചു. അനുസ്മരണ സംഗമം വ്യത്യസ്ത പരിപാടികളോടെ രാവിലെ 9 മണി മുതൽ രാത്രി 9 മണി വരെയായിരിക്കും. പരിപാടിയുടെ വിജയത്തിനായി മഞ്ചേശ്വരം യതീംഖാനയിൽ ചേർന്ന യോഗത്തിൽ പ്രാദേശിക സംഘാടക സമിതി മൊയ്‌ദീൻ കുഞ്ഞി പ്രസിഡന്റായും സയ്യിദ് ഹാജി, മുഹമ്മദ്‌ സിദ്ധീഖ്, ഹമീദ് കണിയൂർ, മൂസ്സക്കുഞ്ഞി ഹാജി, യു.എച്ച്. അബ്ദുൽ റഹിമാൻ, കടമ്പാർ അബ്ദുൽ റഹിമാൻ ഹാജി, അസീസ് ഹാജി മഞ്ചേശ്വർ, ബി. എസ് ഇബ്രാഹിം ഹാജി എന്നിവർ വൈസ് പ്രസിഡന്റ് മാരായും പി.എച്ച്.അബ്ദുൽ ഹമീദ് ഹാജി ജനറൽ സെക്രട്ടറിയായും കെ.എം.അബ്ദുൽ ഖാദർ, അബ്ദുല്ലത്തീഫ് കുഞ്ചത്തൂർ, , അബ്ദുൽ മജീദ് കറോഡ, മുസ്തഫ ഉദ്യാവർ, കജ അബ്ദുള്ള, അബ്ദുൽ റഹിമാൻ ഹാജി തുടങ്ങിയവർ സെക്രട്ടരി മാറായും ആർ.കെ. ബാവ ഹാജി ട്രഷററായും യതീംഖാന ഭാരവാഹികൾ, രാഷ്ട്രീയ പാർട്ടി നേതാക്കൾ അടക്കമുള്ള നൂറംഗ കമ്മറ്റി രൂപീകരിച്ചു..

യോഗം യതീംഖാന ജനറൽ സെക്രട്ടറി മൊയ്‌ദീൻ കുഞ്ഞി പ്രിയയുടെ അധ്യക്ഷതയിൽ മുസലിം ലീഗ് മണ്ഡലാദ്ധ്യക്ഷൻ അസീസ് മരിക്കെ ഉൽഘാടനം ചെയ്തു. എ.കെ. എം അശ്രഫ് എം.എൽ.എ മുഖ്യ പ്രഭാഷണം നടത്തി കുഞ്ചത്തൂർ ഖതീബ് ഉസ്താദ് ഹാഷിർ ഹാമിദി പ്രാർത്ഥന നടത്തി എ.കെ. ആരിഫ്, സൈഫുള്ള തങ്ങൾ, അഷ്‌റഫ്‌ കർള, എന്നിവർ സംസാരിച്ചു , അലി മാസ്റ്റർ, ഹമീദ് കണിയൂർ, മുഹമ്മദ്‌ സിദ്ധീഖ്, മൊയ്‌ദീനബ്ബ പാവൂർ,ഷംസീന, മുംതാസ് സമീറ, സൈബന്നിസ തുടങ്ങിയവർ സംബന്ധിച്ചു.

ഓർമ്മ പുസ്തക പ്രകാശനം, തുളുനാടിന്റെ വികസനവും ബഹുസ്വര സംസ്കാരവും എന്ന വിഷയത്തിൽ ദേശീയ സെമിനാറും, എന്നീ തലങ്ങളിൽ വിപുലമായി നടത്തപ്പെടുന്ന പരിപാടിയുടെ വിജയത്തിനായി നേരത്തെ മുസ്‌ലിം ലീഗ് കാസറഗോഡ് ജില്ലാ നേതാക്കളായ കല്ലട്ര മാഹിൻ ഹാജി, മുനീർ ഹാജി കമ്പാർ, യുസുഫ് ബന്തിയോട്, ടി എ മൂസ്സ എന്നിവരുടെ സാന്നിധ്യത്തിൽ കുമ്പോൽ സയ്യിദ് അലി തങ്ങൾ, സി ടി അഹമ്മദലി എന്നിവർ മുഖ്യരക്ഷാധികാരികളായും അബ്ദുൽ ലത്തീഫ് ഉപ്പള ഗേറ്റ് ചെയർമാനായും എ.കെ.എം. അഷ്‌റഫ്‌ എം.എൽ.എ. ജനറൽ കൺവീനറായും അഷ്‌റഫ്‌ കർള ട്രഷററായും ജില്ലാതല സ്വാഗത സംഘം രൂപീകരിച്ചിരുന്നു.

ചെർക്കളം അബ്ദുള്ള ഫൗണ്ടേഷൻ ചെയർമാൻ നാസർ ചെർക്കളം സ്വാഗതവും സെക്രട്ടറി ജനറൽ മുജീബ് തളങ്കര നന്ദിയും പറഞ്ഞു.