കാഞ്ഞങ്ങാട് :എം.വി.മുഹമ്മദ് സലീം മൗലവിയുടെ വേർപാടിൽ ദാറുൽ ഹിദായ ട്രസ്റ്റ് അനുശോചിച്ചു.
കാഞ്ഞങ്ങാട്: പ്രമുഖ ഇസ്ലാമിക പണ്ഡിതനും എഴുത്തുകാരനും പ്രഭാഷകനുമായിരുന്ന എം.വി.സലീം മൗലവിയുടെ വേർപാടിൽ ദാറുൽ ഹിദായ ഇസ്ലാമിക് ട്രസ്റ്റ് നേതൃത്വത്തിൽ അനുശോചിച്ചു. ഖത്തറിലെ സൗദി എംബസിയിലും ഇൻഫർമേഷൻ മന്ത്രാലയത്തിലും ദീർഘകാലം സേവനം അനുഷ്ടിച്ച പണ്ഡിത സഭ അംഗവുമായിരുന്ന മുഹമ്മദ് സലീം മൗലവിയുടെ നിര്യാണം പ്രവാസി സമൂഹത്തിനും ഇസ്ലാമിക പ്രസ്ഥാനത്തിനും വലിയ നഷ്ടമാണെന്ന്‌ യോഗം ഉൽഘാടനം ചെയ്ത ഗൾഫ് മാധ്യമം ചീഫ് എഡിറ്റർ വി.കെ ഹംസ പറഞ്ഞു.
ട്രസ്റ്റ് വർക്കിംങ്ങ് ചെയർമാൻ വി.പി.ബഷീർ അദ്ധ്യക്ഷത വഹിച്ചു.ജനറൽ സെക്രട്ടറി ടി.മുഹമ്മദ് അസ്ലം, ഡോ:അബ്ദുൾ ഹാഫിസ്,ബി.എം.മുഹമ്മദ് കുഞ്ഞി,അഹമ്മദ് ബെസ്റ്റോ,കെ.എം. അബ്ദുൾ റഹിമാൻ,മൊയ്തു ഇരിയ, അബ്ദുള്ള പാലായി, വി.ബഷീർ സിറ്റി, എന്നിവർ സംസാരിച്ചു.
