കാസ്ക് ദേശീയ സെവൻസ് ഫുട്ബോൾ ടൂർണ്ണമെന്റ് ഇന്ന് സമാപിക്കും

പള്ളിക്കര: കാസ്ക് കല്ലിങ്കാൽ ഗവ.ഹയർ സെക്കണ്ടറി സ്കൂൾ ഗ്രൗണ്ടിൽ സംഘടിപ്പിച്ച അഖിലേന്ത്യ സെവൻസ് ഫുട്ബോൾ ടൂർണ്ണമെന്റ് ഇന്ന് സമാപിക്കും. ഫൈനൽ മത്സരത്തിൽ ബ്രദേഴ്സ് തൊട്ടിക്ക് വേണ്ടി കെ.എം.ജി മാവൂരും ഗ്രീൻ സ്റ്റാർ മുക്കൂടിന് വേണ്ടി സൂപ്പർ സ്‌റ്റുഡിയോ മലപ്പുറവും ഏറ്റുമുട്ടും. ഫൈനൽ മത്സരത്തിൽ വിന്നേഴ്സ് ട്രോഫി തബാസ്കോ ഗ്രൂപ്പ് ചെയർമാൻ ബഷീർ മാളികയിൽ വിതരണം ചെയ്യും. റണ്ണേഴ്സ് ട്രോഫി ഇമ്മാനുവൽ സിൽക്സ് ഗ്രൂപ്പ് എം.ഡി. സി.പി ഫൈസൽ കൈമാറും. മാൻ ഓഫ് ദി സിരീസിനുള്ള ഉപഹാരം പള്ളിക്കര സർവീസ് സഹകരണ ബാങ്ക് വൈസ് പ്രസിഡണ്ടും സൗത്ത് ചിത്താരി അക്ഷയ സെന്റർ ഡയറക്ടറുമായ അന്താഹു മൂസ നിർവ്വഹിക്കും. ആർ പിസ് റിയൽ എസ്റ്റേറ്റ് ഗ്രൂപ്പ് മാനേജിംഗ് ഡയറക്ടർ മുഹമ്മദ് റബീഹ്, സിംകോ ഗ്രൂപ്പ് ഓഫ് കമ്പനീസ് എം.ഡി. നാസർ ഫ്രൂട്ട് എന്നിവർ മുഖ്യാതിഥികളാകും. മത്സരം കൃത്യം 9 മണിക്ക് തന്നെ ആരംഭിക്കുമെന്ന് ടൂർണ്ണമെന്റ് കമ്മിറ്റി ജനറൽ കൺവീനർ സി.എച്ച് മിഗ്ദാദ് അറിയിച്ചു