മംഗൽപാടി പഞ്ചായത്ത് എൽ ഡി എഫ് നേതൃത്വത്തിൽ നടന്നുവരുന്ന അനിശ്ചിതകാല ധർണ സമരം 10 ദിവസം പിന്നിട്ടു.
മംഗൽപാടി: മംഗൽപാടി പഞ്ചായത്ത് ഭരണസമിതിയുടെ കെടുകര്യസ്ഥതയും, അഴിമതിയും പഞ്ചായത്തിലെ ജനങ്ങളെയാകെ പൊരുതിമുട്ടിച്ചിരിക്കുകയാണ്.
പഞ്ചായത്തിലെ മുഴുവൻ ജനങ്ങളെയും ക്യാൻസർ പോലെയുള്ള മാരകമായ രോഗത്തിലേക്ക് തള്ളിവിടുന്ന ഭരണസമിതിയുടെ ജനവിരുദ്ധ നിലപാടുകൾകെതിരെ, മംഗൽപാടി ജനതയുടെ ആരോഗ്യം സംരക്ഷിക്കണമെന്ന് ആവശ്യപ്പെട്ടുകൊണ്ട് എൽഡിഎഫ് പഞ്ചായത്ത് കമ്മിറ്റി നടത്തുന്ന അനിശ്ചിതകാല ധർണ്ണ സമരത്തിന്റെ പത്താം ദിവസം എൻ. സി. പി ജനറൽസെക്രട്ടറി വസന്ത് കുമാർ കാട്ടുകുളങ്ങര ഉദ്ഘാടനം ചെയ്തു. ജെ.ഡി.എസ്. ജില്ലാ പ്രസിഡണ്ട് പി.പി.രാജു, ജെ ഡി എസ് ജില്ലാ സെക്രട്ടറി കെ എം ബാലകൃഷ്ണൻ,എൻസിപി ജില്ലാ സെക്രട്ടറി സുബൈർ പടുപ്പ്, എൻ എം സി ജില്ലാ സെക്രട്ടറി ഖദീജ, കേരള കോൺഗ്രസ്‌ നേതാവ് രാഘവ ചെരാൽ, സിപിഐ ഉപ്പള ലോക്കൽ സെക്രട്ടറി ഹരീഷ് കുമാർ ഷെട്ടി, അഷ്റഫ് മുട്ടം, മഹ്മൂദ് കൈക്കമ്പ, സിദിഖ് കൈകമ്പ തുടങ്ങിയവർ സംസാരിച്ചു, ഡിവൈഎഫ്ഐ ജില്ലാ ജോയിന്റ് സെക്രട്ടറി സാദിഖ് ചെറുഗോളി, എൻ.സി.പി മണ്ഡലസെക്രട്ടറി മുഹമ്മദ് ആന ബഗിലു, K.S.T.A. സംസ്ഥാന കമ്മിറ്റിയംഗം ചന്ദപ്പ മാസ്റ്റർ എന്നിവർ സംസാരിച്ചു.
ഫറൂഖ് ഷിറിയ അധ്യക്ഷത വഹിച്ചു എൽഡിഎഫ് മംഗൽപ്പാടി പഞ്ചായത്ത് കൺവീനർ ഹമീദ് കോസ്മോസ് സ്വാഗതം പറഞ്ഞു.
