ടൂര്ണമെന്റിന്റെ മൂന്നാം പതിപ്പിനായി ഒരു പുതിയ സെറ്റ് കളിക്കാരെ ഉള്പ്പെടുത്തിയതായി ലെജന്ഡ്സ് ലീഗ് ക്രിക്കറ്റ് (എല്എല്സി) പ്രഖ്യാപിച്ചു.
ടൂര്ണമെന്റിന്റെ മൂന്നാം പതിപ്പിനായി ഒരു പുതിയ സെറ്റ് കളിക്കാരെ ഉള്പ്പെടുത്തിയതായി ലെജന്ഡ്സ് ലീഗ് ക്രിക്കറ്റ് (എല്എല്സി) പ്രഖ്യാപിച്ചു.
നേരത്തെ മുന് ഇന്ത്യന് അന്താരാഷ്ട്ര ക്രിക്കറ്റ് താരങ്ങളായ സുരേഷ് റെയ്നയെയും ഹര്ഭജന് സിങ്ങിനെയും ഉള്പ്പെടുത്തിയ ഇന്ത്യ മഹാരാജാസ്, മുരളി വിജയ്, സ്റ്റുവര്ട്ട് ബിന്നി എന്നിവരെ ഉള്പ്പെടുത്തി തങ്ങളുടെ ടീമിനെ കൂടുതല് ശക്തമാക്കി.
ഈ വര്ഷം ആദ്യമാണ് മുരളി വിജയ് ക്രിക്കറ്റിന്റെ എല്ലാ ഫോര്മാറ്റില് നിന്നും വിരമിക്കല് പ്രഖ്യാപിച്ചത്. എല്എല്സി മാസ്റ്റേഴ്സിന്റെ മൂന്നാം സീസണ് ജനുവരിക്ക് ശേഷമുള്ള അദ്ദേഹത്തിന്റെ ആദ്യ മത്സര ടൂര്ണമെന്റായിരിക്കും. ഇന്ത്യ മഹാരാജാസില് ചേര്ന്ന ശേഷം, എല്എല്സി മാസ്റ്റേഴ്സില് തന്റെ പഴയ സുഹൃത്തുക്കള്ക്കൊപ്പം കളിക്കാന് താന് ആഗ്രഹിക്കുന്നുവെന്ന് അദ്ദേഹം പറഞ്ഞു.
“എല്എല്സി മാസ്റ്റേഴ്സ് 2023-ന്റെ ഭാഗമാകാന് കഴിഞ്ഞതില് ഞാന് സന്തുഷ്ടനാണ്, കൂടാതെ ഇന്ത്യ മഹാരാജാസിന് വേണ്ടി കളിക്കളത്തിലേക്ക്ചുവടുവെക്കാന് ഞാന് തീര്ത്തും ആവേശഭരിതനാണ്. എല്ലാ ഡിപ്പാര്ട്ട്മെന്റുകളിലും സന്തുലിതമായി കാണപ്പെടുന്ന ശക്തമായ ഒരു സ്ക്വാഡ് ഞങ്ങളുടെ പക്കലുണ്ട്, എന്റെ പഴയ സുഹൃത്തുക്കളുമായും സഹതാരങ്ങളുമായും കളത്തിലിറങ്ങാന് ഞാന് വളരെ ആവേശത്തിലാണ്, “വിജയ് പറഞ്ഞു.
അതേസമയം, മുന് പാകിസ്ഥാന് ഫാസ്റ്റ് ബൗളര്മാരായ മുഹമ്മദ് ആമിറിനെയും സൊഹൈല് തന്വീറിനെയും ഏഷ്യ ലയണ്സ് അണിനിരത്തി. മറുവശത്ത്, ഉദ്ഘാടന സീസണിലെ കിരീട ജേതാക്കളായ വേള്ഡ് ജയന്റ്സ് മുന് ഇംഗ്ലണ്ട് ക്യാപ്റ്റന് പോള് കോളിംഗ്വുഡിന്റെ സേവനം നേടി. എല്എല്സി മാസ്റ്റേഴ്സിന്റെ മൂന്നാം പതിപ്പ് മാര്ച്ച് 10 മുതല് ദോഹയില് ആരംഭിക്കും. ഏഷ്യന് ടൗണ് ക്രിക്കറ്റ് സ്റ്റേഡിയത്തിലെ കര്ട്ടന് റൈസറില് ഇന്ത്യ മഹാരാജാസ് ഏഷ്യ ലയണ്സുമായി കൊമ്പ് കോര്ക്കും.