ഇന്ത്യൻ നീലപടയോട് പൊരുതാൻ ഹോളണ്ടിന്റെ ഓറഞ്ച് പട, മത്സരം വ്യാഴാഴ്ച സിഡ്‌നിയിൽ
സിഡ്‌നി :പാകിസ്ഥാനെതിരെ ഇന്ത്യ നേടിയ ത്രസിപ്പിക്കുന്ന വിജയതിന് ശേഷം ഇന്ത്യയുടെ പോരാട്ടം ഓറഞ്ചുപടക്കെതിരെ, ഹോളണ്ടിനെതിരായ മത്സരത്തിനായി ഇന്ത്യന്‍ ടീം സിഡ്നിയിലെത്തി. നായകന്‍ രോഹിത് ശര്‍മ, വിരാട് കോലി, കെ.എല്‍. രാഹുല്‍, ദിനേഷ് കാര്‍ത്തിക് അടക്കമുള്ളവര്‍ ബാറ്റിങ് പരിശീലനം നടത്തുകയും ചെയ്തു. വ്യാഴാഴ്ചയാണ് മത്സരം. ഹോളണ്ടിനെതിരേ ഓള്‍ റൗണ്ടര്‍ ഹാര്‍ദിക് പാണ്ഡ്യക്ക് വിശ്രമമനുവദിച്ചേക്കും. പകരം ദീപക് ഹൂഡയെ കളിപ്പിച്ചേക്കും
ട്വന്റി20 ലോകകപ്പിൽ ഇന്ത്യ–പാക്കിസ്ഥാൻ മത്സരത്തിന്റെ അവസാനം, രവിചന്ദ്രൻ അശ്വിന്റെ ബാറ്റിൽ നിന്ന് ഇന്ത്യയുടെ വിജയറൺ പിറന്ന നിമിഷം ഉയർന്ന ആരവം മെൽബൺ ക്രിക്കറ്റ് സ്റ്റേഡിയത്തിന്റെ രണ്ടു കിലോമീറ്റർ ചുറ്റളവിലെങ്കിലും അലയടിച്ച ഓർമകളുമായി ഇന്ത്യയും കരുത്തുറ്റ നീല പടയോട് പൊരുതാൻ ഹോളണ്ടും സിഡ്‌നിയിൽ എത്തി
