കാഞ്ഞങ്ങാട് : കഴിഞ്ഞ നാലുവർഷമായി സാമൂഹ്യ മേഖലയിൽ മാതൃകപരമായ പ്രവർത്തനങ്ങൾ ഏറ്റെടുത്തു നടത്തുന്ന നന്മമരം കാഞ്ഞങ്ങാട് ചാരിറ്റബിൾ സൊസൈറ്റി ബല്ല അഴിക്കോടൻ ക്ളബ് പരിസരത്തെ നിരവധി കുടുംബങ്ങൾക്ക് ആശ്വാസം പകരുന്ന കുടിവെള്ള പദ്ധതി ഉദ്ഘാടനം നടന്നു . ഒന്നര ലക്ഷം രൂപ ചിലവഴിച്ചു നടപ്പിലാക്കിയ പദ്ധതി സാമൂഹ്യ പ്രവർത്തകൻ അബ്ദുൽ സലാം കുന്നിൽ ഉത്ഘാടനം ചെയ്തു. ചെയർമാൻ സലാം കേരള ആദ്യ കുടിവെള്ള വിതരണം നടത്തി. നന്മമരം കാഞ്ഞങ്ങാട് ഏറ്റെടുത്തു നടത്തുന്ന രണ്ടാമത്തെ കുടിവെള്ള പദ്ധതിയാണിത്.
പ്രസിഡന്റ് ഹരി നോർത്ത് കോട്ടച്ചേരി അധ്യക്ഷത വഹിച്ചു.
ഭാരവാഹികളായ ടി.കെ വിനോദ്, ഷിബു നോർത്ത് കോട്ടച്ചേരി, ബിബി ജോസ്, രാജി മധു, സി. പി ശുഭ, ഗോകുലാനന്ദൻ, കെ.രമ്യ, ദിനേശൻ എക്സ് പ്ലസ്, സുധി ആലയി, കെ. വി സുശീല, ബി.സുനിത അഴിക്കോടൻ ബല്ല ഭാരവാഹികളായ ബി.രഞ്ജിത്ത്, പി ഷിജു എന്നിവർ സംസാരിച്ചു.
