Category: main-slider

കാഞ്ഞങ്ങാട് : ഇന്നത്തെ ലോകം അനന്ത സാധ്യതകളുടേതാണെന്നും ഇന്നത്തെ യുവത വലിയ സ്വപ്നങ്ങൾ കാണുന്നവരാണെന്നും അവരുടെ സ്വപ്നങ്ങൾക്ക് കരുത്താവാൻ പ്രിയദർശിനി ക്ലബുപോലുള്ള പ്രസ്ഥാനങ്ങൾക്കാവണമെന്നും ബ്ലോക്ക് കോൺഗ്രസ്സ് പ്രസിഡണ്ടും കിനാനൂർ കരിന്തളം പഞ്ചായത്തംഗം കൂടിയായ ഉമേശൻ വേളൂർ.

കുശാൽനഗർ പ്രിയദർശിനി ക്ലബ്ബിന്റെ രണ്ടാം വാർഷികാഘോഷം സനീഷ് രാജേഷ് നഗറിൽ ഉദ്ഘാടനം ചെയ്ത്യു സംസാരിക്കുകയായിരുന്നു അദ്ദേഹം.

ചടങ്ങിൽ വിവിധ മേഖലകളിൽ കഴിവ് തെളിയിച്ചവരെ അനുമോദിച്ചു.

വിവിധ പ്രായത്തിൽപ്പെട്ടവർക്കായി വ്യത്യസ്‌തമായ അനേകം മത്സരങ്ങളും അരങ്ങേറി.

ക്ലബ്‌ പ്രസിഡന്റ്‌ വേണു കെ അധ്യഷത വഹിച്ച ചടങ്ങിൽ മഹിളാ കോൺഗ്രസ്‌ ജില്ലാ പ്രസിഡന്റ്‌ മിനി ചന്ദ്രൻ, മഹിളാ കോൺഗ്രസ്‌ സംസ്ഥാന സെക്രട്ടറി ശ്രീകല പുല്ലൂർ, മണ്ഡലം കോൺഗ്രസ്‌ പ്രസിഡന്റ്‌ കെപി ബാലകൃഷ്ണൻ, കെ സ് യു ജില്ലാ പ്രസിഡന്റ്‌ ജവാദ് പുത്തൂർ, പ്രവാസി കോൺഗ്രസ്‌ ജില്ലാ പ്രസിഡന്റ്‌ പദ്മരാജൻ ഐങ്ങോത്ത്, മത്സ്യ തൊഴിലാളി കോൺഗ്രസ്‌ ബ്ലോക്ക്‌ പ്രസിഡന്റ്‌ ശരത്ത് മരക്കാപ്പ്, രക്ഷാധികാരികളായ ഭാസ്കരൻ, ട്രഷറർ രാജു ഭാരവാഹികളായ രമേശൻ കെ , വിനോദ്, സതീശൻ, ബിജു, ശശീന്ദ്രൻ, സുകുമാരൻ, രതീഷ് ദുബായ്, സതീശൻ ദുബായ്, വിജയൻ, മധു, പവിത്രൻ, രവി, ദിനേശൻ, ബാബു, ജയശ്രീ, ജയശ്രീ, അനീഷ്, സുഭാഷ് എന്നിവർ സംസാരിച്ചു,

മത്സരത്തിൽ പങ്കെടുത്ത എല്ലാവർക്കും വിവിധ തരം സമ്മാനങ്ങൾ നൽകി. ചടങ്ങിൽ ക്ലബ് സെക്രട്ടറി സനോജ് കെ എം സ്വാഗതവും, രതീഷ് കെ ടി നന്ദിയും പറഞ്ഞു.

ആയമ്പാറ ശ്രീ മഹാവിഷ്‌ണു ക്ഷേത്രക്കുളത്തിൽ സംസ്ഥാന ഫിഷറിഷ് വകുപ്പ് നൽകിയ മത്സ്യകുഞ്ഞുങ്ങളെ നിക്ഷേപിച്ചു.

ക്ഷേത്രം മേൽശാന്തി ശങ്കരഭട്ട്, തമ്പാൻ കാപ്യവീട്, മോഹനൻ കുണ്ടൂർ, നാരായണൻ കാപ്യവീട്, ദാമോദരൻ മോലോത്തിങ്കാൽ, നാരായണൻ കാപ്യ എന്നിവർ ചേർന്നാണ് മൽസ നിക്ഷേപം നടത്തിയത്

സൗജന്യ പി.എസ്.സി ക്ലാസ്സുകളുമായി ജില്ലാ ഭരണസംവിധാനം; ജില്ലയെ മുന്നിലേക്ക് നയിക്കാന്‍ ‘മുന്നോട്ട് 2023’;

ജില്ലാ പോലീസ് മേധാവി ഡോ. വൈഭവ സക്സേന ഐപിഎസ് ഉദ്ഘാടനം ചെയ്തു.

കാസര്‍കോട് ജില്ലയുടെ ചരിത്രത്തിലെ തന്നെ വലിയ ചുവടുവെപ്പിനൊരുങ്ങുകയാണ് ജില്ലാ ഭരണസംവിധാനം. മത്സരപരിശീലനത്തിന് വേണ്ടി സൗജന്യ ക്ലാസുകള്‍ സംഘടിപ്പിക്കുന്ന ‘ മുന്നോട്ട് ‘ എന്ന പദ്ധതിക്ക് കാസര്‍കോട് ഗവണ്മെന്റ് കോളേജില്‍ തുടക്കം കുറിച്ചു. ജില്ലാ പോലീസ് മേധാവി ഡോ.വൈഭവ് സക്‌സേന’ ഐപിഎസ് ‘മുന്നോട്ട്’ പദ്ധതി ഉദ്ഘാടനം ചെയ്തു. ജില്ലാ കളക്ടര്‍ കെ.ഇമ്പശേഖര്‍ ഐഎഎസ് അധ്യക്ഷത വഹിച്ചു. സബ് കളക്ടര്‍ സുഫിയാന്‍ അഹമ്മദ് ഐഎഎസ്, അസിസ്റ്റന്റ് കളക്ടര്‍ ദിലീപ് കെ കൈനിക്കര ഐഎഎസ്, കാസർകോട് ഗവ.കോളജ് പ്രിൻസിപ്പാൾ ഡോ. വി എസ് അനിൽകുമാർ, തുടങ്ങിയവര്‍ സംസാരിച്ചു. KAS ഉദ്യോഗസ്ഥരായ ആദില്‍ മുഹമ്മദ്, എ അജിത, ആസിഫ് അലിയാര്‍, അജിത് ജോണ്‍, എന്നിവര്‍ വിദ്യാര്‍ത്ഥികളുമായി സംവദിച്ചു.

ജില്ലാ ഭരണസംവിധാനത്തിന്റെ നേതൃത്വത്തില്‍ കാസര്‍കോട് വികസന ജില്ലാ പാക്കേജും എംപ്ലോയ്മെന്റ് എക്‌സ്‌ചേഞ്ചും സംയുക്തമായിട്ടാണ് പി.എസ്.സി പരീക്ഷകള്‍ക്ക് പരിഗണന നല്‍കിയിട്ടുള്ള മത്സരപരീക്ഷ പരിശീലന സൗജന്യ ക്ലാസുകള്‍ സംഘടിപ്പിക്കുന്നത്. കാസര്‍കോട് ജില്ലയില്‍ തദ്ദേശീയരായിട്ടുള്ള ഉദ്യോഗസ്ഥരുടെ കുറവ് പരിഹരിക്കുക എന്ന ലക്ഷ്യത്തോടെയാണ് ‘ മുന്നോട്ട് ‘ എന്ന പദ്ധതി ആരംഭിക്കുന്നത്. മുന്നോട്ട് പദ്ധതിയുടെ ആദ്യ ഘട്ടത്തില്‍ പി.എസ്.സി കോച്ചിങ് ക്ലാസുകളാണ് സൗജന്യമായി നല്‍കുക. ജില്ലയിലെ ആറ് ബ്ലോക്കുകളിലായി ആറു സ്റ്റഡി സെന്ററുകളുണ്ടാവും. കാസര്‍കോട് ഗവണ്മെന്റ് കോളേജ്, ജി.എച്ച്.എസ്.എസ് ഹൊസ്ദുര്‍ഗ്, ജി.വി.എച്ച്.എസ്.എസ് മുള്ളേരിയ, ജി.എച്ച്.എസ്.എസ് പിലിക്കോട്, ജി.എച്ച്.എസ്.എസ് ഉപ്പള, ജി.എച്ച്.എസ്.എസ് പരപ്പ എന്നിവയാണ് സെന്ററുകള്‍. എല്ലാ രണ്ടാം ശനിയാഴ്ച്ചകളിലും ഞായറാഴ്ച്ചകളിലുമാണ് ക്ലാസുകള്‍ സംഘടിപ്പിക്കുക. ഒരു മാസത്തില്‍ അഞ്ചു ക്ലാസ്സുകളാണ് ഉണ്ടാവുക. രണ്ടു ബാച്ചുകളായിട്ടായിരിക്കും ക്ലാസ്. എസ്എസ്എൽസി, പ്ലസ്ടു യോഗ്യതയുള്ളവര്‍ക്കായി ഒരു ബാച്ചും ഡിഗ്രി യോഗ്യത ഉള്ളവര്‍ക്കായി മറ്റൊരു ബാച്ചും. പി.എസ്.സി നടത്തുന്ന വരാനിരിക്കുന്ന പരീക്ഷകളെ മുന്‍നിര്‍ത്തിയുള്ള ക്ലാസ്സുകളായിരിക്കും പദ്ധതിയുടെ തുടക്കത്തില്‍ നല്‍കുക. പരീക്ഷയെ എങ്ങനെ നേരിടാമെന്നുള്ള ക്ലാസ്സുകളും വിഷയത്തിന്റെ കൂടെയുണ്ടാവും. പി.എസ്.സി പരീശീലന മേഖലയില്‍ വര്‍ഷങ്ങളുടെ അനുഭവസമ്പത്തുള്ള അധ്യാപകരും ജില്ലയിലെ സിവില്‍ സര്‍വീസ് ഉദ്യോഗസ്ഥരും ഫാക്കല്‍റ്റിമാരായി ക്ലാസ്സിലെത്തും. ക്ലാസ്സുകള്‍ക്ക് പുറമെ പി.എസ്.സി പരീക്ഷ മോഡല്‍ ടെസ്റ്റുകള്‍ നടത്തും. ജില്ലയിലെ യുവജനങ്ങളുടെ തൊഴിൽക്ഷമത വർദ്ധിപ്പിക്കുക എന്നതാണ് ‘ മുന്നോട്ട് ‘ പദ്ധതിയുടെ പ്രഥമ ലക്ഷ്യമെന്ന് ജില്ലാ കളക്ടർ കെ ഇമ്പശേഖർ ഐഎഎസ് പറഞ്ഞു. പി.എസ്.സി പരീക്ഷകള്‍ക്ക് പുറമെ മറ്റു സംസ്ഥാന/കേന്ദ്ര പരീക്ഷകളുടെ സൗജന്യ ക്ലാസ്സുകളും ‘മുന്നോട്ട് ‘ പദ്ധതിയിലൂടെ താത്പര്യമുള്ള വിദ്യാര്‍ത്ഥികള്‍ക്ക് നല്‍കുമെന്നും അദ്ദേഹം പറഞ്ഞു.

നീലേശ്വരം: സ്വച്ച് സർവേക്ഷൺ – ഇന്ത്യൻ സ്വച്ഛത ലീഗ് സീസൺ ടു വിന്റെ ഭാഗമായി ശുചിത്വബോധവത്കരണത്തിനായി നഗരസഭയുടെ ആഭിമുഖ്യത്തിൽ അഴിത്തല കടലോരം ശുചീകരിച്ചു.

നഗരസഭാ ചെയർ പേഴ്സൺ ശ്രീമതി ടി വി ശാന്ത ഉദ്ഘാടനം ചെയ്തു. വൈസ് ചെയർമാൻ പി.പി മുഹമ്മദ് റാഫി അധ്യക്ഷത വഹിച്ചു. വികസനകാര്യ സ്ഥിരം സമിതി അധ്യക്ഷ വി. ഗൗരി സ്വാഗതം പറഞ്ഞു. കൗൺസിലർമാരായ ഇ. ഷജീർ, റഫീഖ് കോട്ടപ്പുറം, എം.കെ വിനയരാജ്, എം.ഭരതൻ, പി.കെ ലത, കെ.വി ശശികുമാർ, നഗരസഭാ സെക്രട്ടറി മനോജ് കുമാർ കെ , ക്ലീൻ സിറ്റി മാനേജർ എ.കെ പ്രകാശൻ, വൈ പി മഞ്ജിമ, വി.വി. ഷീജ ടീച്ചർ, എൻ. എസ്.എസ് പ്രോഗ്രാം ഓഫീസർ വിജിത ടീച്ചർ എന്നിവർ സംസാരിച്ചു. കുടുംബശ്രീ – ഹരിതകർമ്മ സേനാ പ്രവർത്തകർ,

നഗരസഭ ആരോഗ്യ വിഭാഗം ജീവനക്കാർ,

കോട്ടപ്പുറം ഹയർസെക്കൻഡറി സ്കൂൾ എൻ.എസ്.എസ് വളണ്ടിയർമാർ,

സന്നദ്ധ പ്രവർത്തകർ തുടങ്ങിയവർ പങ്കെടുത്തു. പബ്ലിക് ഹെല്‍ത്ത് ഇന്‍സ്പക്ടര്‍മാരായ ബീന വി.വി, രചന കെ.പി എന്നിവർ ഏകോപനം നടത്തി.

തേജസ്വിനി ഡ്രൈവ് എന്ന പേരിലുള്ള നഗരസഭാതല ബോധവത്കരണ പരിപാടികളുടെ ഭാഗമായി കഴിഞ്ഞ ദിവസങ്ങളിൽ സമൂഹ ചിത്രരചന, കൂട്ടയോട്ടം, ഫ്ലാഷ് മോബ് , ശുചിത്വ പ്രതിജ്ഞ എന്നിവ നടത്തിയിരുന്നു.

പളളിക്കരപഞ്ചായത്ത് പൂച്ചക്കാട് താമസിക്കുന്ന എം വി നാരായണനും, മകൾ ചീമേനിയിലെ എം. നമിതക്കും ചേർന്ന് മിത്ര ചാരിറ്റി ട്രസ്റ്റിൻ്റെ അധിക ചികിത്സാ ധനസഹായമായ അര ലക്ഷം രൂപം കൈമാറി. ഇരുവരും വർഷങ്ങളായി ക്യാൻസർ രോഗം ബാധിച്ച് ചികിത്സയിലാണ്.ജീവകാരുണ്യത്തിൻ്റെ സ്പർശന സ്പന്ദങ്ങളായി പ്രവർത്തിക്കുന്ന മിത്ര ചാരിറ്റി ഇത്തരം നിരാലംബരും, പാവപ്പെട്ട കുടുംബങ്ങളെയും മാസം തോറും ചികിത്സ ധനസഹായം കൊടുത്തു വരുന്നു. അതിനു പുറമെ അത്യാവശ്യഘട്ടത്തിൽ ഇത്തരം അധികസഹായം മിത്ര യുടെ ചില മെമ്പർ മ ചേർന്ന് നൽകാറുണ്ട്. നമ്മുടെ ചാരിറ്റി മെമ്പർ രജനിയുടെ വീട്ടിലെ അവസ്ഥയറിഞ്ഞ് ഒരാഴ്ച കൊണ്ട് പിരിച്ച സഹായ ധനം ഇന്ന് മിത്ര ചാരിറ്റി രക്ഷാധികാരി കെ.വി സുരേശൻ, മടിക്കൈപഞ്ചായത്ത് ജോ സെക്രട്ടറി ബിജു പുൽകോൽ, മടിക്കൈ പഞ്ചായത്ത് ട്രഷറർ രാജകലാനാരായണൻ ഉദുമ പഞ്ചായത്ത് എക്സിക്യൂട്ടീവ് അംഗം കുഞ്ഞിക്കണ്ണൻ മധുരംമ്പാടി പുല്ലൂർ പെരിയ പഞ്ചായത്ത്, ചാരിറ്റി അംഗങ്ങളായ രവീന്ദ്രൻ കരിച്ചേരി പളളിക്കര പഞ്ചായത്ത്, ലത മടികൈ, രജിത്ര അജിത്ത് നിലേശ്വരം,സൗജ കരുവളം, കാഞ്ഞങ്ങാട് മുനിസിപാലിറ്റി, വിജയൻ പാക്കം വളളിയോട്ട് പള്ളിക്കര പഞ്ചായത്ത്,രജനി കല്യോട്ട് പുല്ലൂർ പെരിയ പഞ്ചായത്ത്എന്നിവർ ചേർന്ന് കുടുംബങ്ങൾക്ക് കൈമാറി,