Category: Kasaragod

ഉദുമ: അവധിക്കാലം കുട്ടികളില്‍ വായനാ പരിപോഷണവും പുസ്തകാസ്വാദനവും വളര്‍ത്തുക എന്ന ലക്ഷ്യവുമായി പടിഞ്ഞാര്‍ അംബികാ വായനശാലയില്‍ വായനാ വെളിച്ചം സംഘടിപ്പിച്ചു. കാഞ്ഞങ്ങാട് എ സി കണ്ണന്‍ നായര്‍ സ്മാരക ഗവ. യുപി സ്‌കൂള്‍ ഹെഡ്മാസ്റ്റര്‍ കെ.അനില്‍കുമാര്‍ ഉദ്ഘാടനം ചെയ്തു. വായനശാല പ്രസിഡണ്ട് സി.കെ വേണു അധ്യക്ഷത വഹിച്ചു. ജോയിന്റ് സെക്രട്ടറി മധു.എന്‍ സ്വാഗതം പറഞ്ഞു. എന്‍.നാരായണന്‍, ഇ.ബീന, കമല.സി, പ്രസാദ്.ബി എന്നിവര്‍ സംസാരിച്ചു. ലൈബ്രേറിയന്‍ സുജാത.എ നന്ദി പറഞ്ഞു. പുസ്തക പ്രദര്‍ശനം, പുസ്തക പരിചയം, വായനാക്കുറിപ്പ് അവതരണം, കവിതാലാപനം എന്നിവയും നടന്നു.

പുല്ലൂർ ദർപ്പണം ചിത്രകലാ കേന്ദ്രം സംസ്‌കൃതി പുല്ലൂരുമായി സഹകരിച്ച് സംഘടിപ്പിക്കുന്ന കുട്ടികളുടെ ജില്ലാതലചിത്രകലാ ക്യാമ്പ് വരയാട്ടത്തിന് തുടക്കമായി. രണ്ട് ദിനങ്ങളിലായി പുല്ലൂർ കണ്ണാംങ്കോട്ടുള്ള സംസ്‌കൃതി അങ്കണത്തിലാണ് ക്യാമ്പ് നടക്കുന്നത്. ചിത്രകാരിയും എഴുത്തുകാരിയുമായ ഡോ. പി.കെ ഭാഗ്യലക്ഷ്മി ടീച്ചർ ക്യാമ്പ് ഉദ്ഘാടനം ചെയ്തു. ചടങ്ങിൽ മാധ്യമ പ്രവർത്തന മികവിന് പുരസ്കാരം നേടിയ അനിൽ പുളിക്കാൽ, കെ. എസ്. ഹരി, സംസ്ഥാന സ്കൂൾ കലോത്സവത്തിൽ ജലച്ചായത്തിലും, എണ്ണച്ചായത്തിലും പ്ലസ് ടു വിഭാഗത്തിൽ എ ഗ്രേഡ് കരസ്ഥമാക്കിയ ദർപ്പണം കലാകേന്ദ്രത്തിലെ അരുണിമ രാജ് എന്നിവരെ ചടങ്ങിൽ ആദരിച്ചു. ചടങ്ങിൽ സംസ്കൃതി പുല്ലൂർ സെക്രട്ടറി എ.ടി. ശശി അധ്യക്ഷനായി. ചിത്രകാരൻ രാജേന്ദ്രൻ പുല്ലൂർ, ബി. രത്നാകരൻ, ബിനു വണ്ണാർ വയൽ , ബബിന പ്രിജുഎന്നിവർ സംസാരിച്ചു.

ജില്ലയുടെ വിവിധ ഭാഗങ്ങളിൽ നിന്നും എത്തിയ നാലു മുതൽ പന്ത്രണ്ട് ക്ലാസ്സ് വരെ പഠിക്കുന്ന നൂറിലധികം കുട്ടികളാണ് ക്യാമ്പിൽ പങ്കെടുക്കുന്നത്.

കുസൃതി വര, പ്രകൃതിയെ വരക്കുമ്പോൾ, ഡൂഡിൽ ചിത്രരചന, ചിത്രകലാ പഠനവും സാധ്യതയും, ചുമർചിത്രകലാ പരിചയം എന്നിവയിൽ ആദ്യ ദിവസം ക്ലാസ് നടന്നു. വിനോദ് അമ്പലത്തറ, രാജേന്ദ്രൻ മിങ്ങോത്ത്, സൗമ്യ ബാബു, സുചിത്ര മധു, ശ്വേത കൊട്ടോടി എന്നിവർ ഒന്നാം ദിനം ക്ലാസ്സുകൾ കൈകാര്യം ചെയ്തു.

ഞായറാഴ്ച്ച രാവിലെ പുല്ലൂർ ചാലിക്കണ്ടത്തിലെ പ്രകൃതി വര നടക്കും. പ്രകൃതി വരയ്ക്ക് പത്തോളം മുതിർന്ന ചിത്രകാരന്മാരും കുട്ടികൾക്കൊപ്പം വരക്കാൻ ഉണ്ടാവും. ഫാബ്രിക് ചിത്രരചന പ്രയോഗവും സാധ്യതയും, ചിത്രകഥാനേരം, വർണ്ണ മഴ തുടങ്ങി വൈവിധ്യമാർന്ന സെഷനുകൾ ക്യാമ്പിൽ നടക്കും.

പ്രമുഖ ചിത്രകാരന്മാർ രണ്ടു ദിവസങ്ങളിൽ വിവിധ ചിത്രകലാ ക്ലാസ്സുകൾ കൈകാര്യം ചെയ്യും. ഇരുപത്തി ഒന്നിത് വൈകുന്നേരം സർട്ടിഫിക്കറ്റ് വിതരണത്തോടെ ക്യാമ്പ് സമാപിക്കും. ചിത്രകാരൻ രാജേന്ദ്രൻ പുല്ലൂരാണ് ക്യാമ്പിന് നേതൃത്വമേകുന്നത്.

പുല്ലൂർ മാക്കരംകോട്ട് സ. ഇ.എം.എസ് സ്മാരക ഗ്രന്ഥാലയത്തിൽ ബാലവേദിയുടെ നേതൃത്വത്തിൽ ‘വായനാ വെളിച്ചം’ ക്യാമ്പ് സംഘടിപ്പിച്ചു.കുട്ടികളിൽ വായനാശീലം വളർത്തുന്നതിൽ ഗ്രന്ഥശാല പ്രസ്ഥാനത്തിന് നിർണായക സ്ഥാനമുണ്ട്, ഹോസ്ദുർഗ് ലൈബ്രറി കൗൺസിൽ ആഹ്വാനം ചെയ്ത വായന വെളിച്ചം പദ്ധതി ഒരു തുടക്കം മാത്രമാണെന്ന് പുല്ലൂർ പെരിയ പഞ്ചായത്ത് സമിതി കൺവീനർ ലത്തീഫ് പെരിയ. മാക്കരംകോട് ഇ എം എസ് ഗ്രന്ഥാലയത്തിൽ ക്യാമ്പ് ഉദ്ഘാടനം ചെയ്ത് സംസാരിക്കവേഅദ്ദേഹം പറഞ്ഞു.ബാലവേദി പ്രസിഡന്റ് നന്ദന തമ്പാൻ അദ്ധ്യക്ഷത വഹിച്ചു. ഗ്രന്ഥാലയം സെക്രട്ടറി രമാ രാമകൃഷ്ണൻ സ്വാഗതം പറഞ്ഞു. ബാലവേദി കുട്ടികൾക്ക് പുസ്തക വിതരണവും നടന്നു. വരും ആഴ്ചകളിൽ പുസ്തകങ്ങളുമായി ബന്ധപ്പെട്ട സ്ഥലങ്ങൾ സന്ദർശിക്കുവാനും ഗ്രന്ഥാലയത്തിൽ ഒരു ദിവസത്തെ ക്യാമ്പ് സംഘടിപ്പിക്കുവാനും തീരുമാനിച്ചു. ലൈബ്രേറിയൻ രമ്യ നന്ദി രേഖപ്പെടുത്തി.

കാഞ്ഞങ്ങാട്:-വിദ്യ പകർന്നു നൽകുന്ന മേലാങ്കോട് എസി കണ്ണൻ നായർ സ്മാരക ഗവ: യുപി സ്കൂൾഅങ്കണത്തിൽവിവിധ പ്രദേശങ്ങളിലെ ആളുകളുടെകൂട്ടായ്മയിൽജനകീയമായി പരിപാലിക്കുന്നമേലാങ്കോട്മാനാനിക്കുന്ന്.വിഷ്ണുമൂർത്തിദേവസ്ഥാനംരണ്ടുദിവസത്തെ കളിയാട്ട ഉത്സവം തുടങ്ങി.അതിയാമ്പൂർസുബ്രഹ്മണ്യ സ്വാമി ക്ഷേത്രത്തിൽ നിന്നും ദീപം തിരിഎഴുന്നള്ളത്തോടുകൂടികളിയാട്ടം ആരംഭിച്ചു.തുടർന്ന് ദേവസ്ഥാനത്ത് വിവിധ ചടങ്ങുകൾ നടന്നു.തുടർന്ന് ക്ഷേത്രം മാതൃ സമിതിയുടെനേതൃത്വത്തിൽനൂറുകണക്കിന് ആളുകളുടെ സാന്നിധ്യത്തിൽകലാസന്ധ്യ അരങ്ങേറി.ക്ഷേത്രം സെക്രട്ടറി വി.ബാലകൃഷ്ണൻ നായർ,പ്രസിഡണ്ട് എ. സി.വിജയൻ നമ്പ്യാർ,മാതൃസമിതി പ്രസിഡണ്ട്ജ്യോതി ചന്ദ്രൻ,കരുണാകരൻ മേലാങ്കോട്എന്നിവർ ചേർന്ന്കളിവിളക്ക് കൊളുത്തിയാണ്കലാസന്ധ്യ തുടങ്ങിയത്.മേലാങ്കോട്ട്.വിഷ്ണുമൂർത്തി ദേവസ്ഥാനംധ്വനി ടീം,നർത്തനം നെല്ലിക്കാട്ട്,കുന്നുമ്മൽ വിഷ്ണുമൂർത്തി ദേവസ്ഥാനം,ടീം ഉദയം കുന്ന്,കുഴക്കുണ്ട്മുത്തപ്പൻ മടപ്പുരഎന്നിവർകൈകൊട്ടിക്കളി,കോൽക്കളി,തിരുവാതിരതുടങ്ങിയ കലാരൂപങ്ങൾ അവതരിപ്പിച്ചു.ബേബി ഉദയംകുന്ന്,ചന്ദ്രൻഅതിയാമ്പൂർ,രതീഷ് കാലിക്കടവ്എന്നിവർ ഭക്തിഗാനം പാടി,.എം ബാലകൃഷ്ണൻ,എസി വിജയൻ നമ്പ്യാർ,കെ ബാലകൃഷ്ണൻ നായർ, സി.കുഞ്ഞമ്പു പൊതുവാൾ, പി.നാരായണൻ,കമലാക്ഷി ബാലകൃഷ്ണൻ, ജ്യോതി ചന്ദ്രൻ,,ബി.പ്രകാശൻ മേസ്ത്രിഎന്നിവർ ഉപഹാരം നൽകി.

കളിയാട്ട ഉത്സവത്തിന്റെ രണ്ടാം ദിവസമായി ഇന്ന്. രാവിലെ11മണിക്ക്.ചാമുണ്ഡിഅമ്മതെയ്യംഅരങ്ങിലെത്തി ഭക്തർക്ക് അനുഗ്രഹംനൽകും.ഉച്ചയ്ക്ക് രണ്ടുമണിക്ക്പ്രധാന ദൈവമായവിഷ്ണുമൂർത്തി അരങ്ങിൽ എത്തും.തുടർന്ന് ക്ഷേത്രത്തിലെ വിവിധ ചടങ്ങുകൾക്ക് അരുട സ്ഥാനമായഅതിയാമ്പൂർപടിഞ്ഞാറ്റം വീട്തറവാട്ടിൽസന്ദർശിക്കുകയുംഉപചാരം ഏറ്റുവാങ്ങിഅനുഗ്രഹം നൽകിദേവസ്ഥാനത്ത് തിരിച്ചെത്തിഏവർക്കും അനുഗ്രഹം നൽകിഅരങ്ങൊഴിയും.തുടർന്ന്.വിളക്കിലരിയോട് കൂടികളിയാട്ടം സമാപിക്കും.രണ്ടാം ദിനത്തിൽഉച്ചയ്ക്ക് 12 മണി മുതൽക്ഷേത്രത്തിലെത്തും മുഴുവൻ ഭക്തജനങ്ങൾക്കുംഅന്ന പ്രസാദവിതരണം ഉണ്ടാകും.

ചിത്രം അടിക്കുറിപ്പ്

മേലാംകോട്ട്മാനാനിക്കുന്ന്.രണ്ടുദിവസത്തെ കളിയാട്ട ഉത്സവത്തിന്റെ ഭാഗമായി നടന്നകലാ സന്ധ്യയുടെവിളക്ക് കൊളുത്തൽ ചടങ്ങ്

ഉദുമ: ഉദയമംഗലത്തിന്റെ പടിഞ്ഞാര്‍ ഭാഗത്ത് സ്ഥിതി ചെയ്യുന്നതും പഴയകാലത്ത് ചെരിപ്പാടി തറവാടിന്റെ ഭാഗമായിരുന്നതും പൂര്‍വ്വികര്‍ ആരാധിച്ചുവരുന്നതും ത്രിമൂര്‍ത്തികളായ ഉഗ്രനാഗങ്ങള്‍ കുടികൊള്ളുന്നതുമായ പയ്യംവയല്‍ നാഗത്തിങ്കാല്‍ സര്‍പ്പക്കാവില്‍ വര്‍ഷംതോറും മേടമാസത്തിലെ ആയില്യം നക്ഷത്രത്തില്‍ നടത്തിവരുന്ന ആയില്യ മഹാപൂജ സമാപിച്ചു. വ്യാഴാഴച രാവിലെ മുതല്‍ ഉച്ചവരെയുള്ള മുഹൂര്‍ത്തത്തില്‍ വിവിധ തരത്തിലുള്ള അര്‍ച്ചനയും അഭിഷേകങ്ങളോടുകൂടി ബേക്കല്‍ കോട്ട ഹനുമാന്‍ ക്ഷേത്ര മേല്‍ശാന്തി മഞ്ചുനാഥ അഗിഡയുടെ കാര്‍മ്മികത്വത്തിലായിരുന്നു ചടങ്ങുകള്‍ നടന്നത്. രാവിലെ 8 മണിക്ക് ശുദ്ധി പുണ്യാഹവും വിവിധ അഭിഷേകവും നിവേദ്യ സമര്‍പ്പണവും അര്‍ച്ചനകളും നടന്നു. തുടര്‍ന്ന് നാഗാരാധനയുടെ പ്രാധാന്യം വിഷയത്തില്‍ കൊപ്പല്‍ ചന്ദ്രശേഖരന്‍ മാസ്റ്റര്‍ പ്രഭാഷണം നടത്തി. 11.30ന് നിവേദ്യ സമര്‍പ്പണത്തിനും നാഗപൂജയ്ക്കും ശേഷം പ്രസാദ വിതരണം ചെയ്തു. സര്‍പ്പദോഷപരിഹാരങ്ങള്‍ക്കും, സന്താന ഭാഗ്യത്തിനും, കുടുംബ ഐശ്വര്യത്തിനും, രോഗശാന്തിക്കുമായാണ് ആയില്യ മഹാപൂജ നടത്തുന്നത്. വിവിധ അര്‍ച്ചനകളിലും മഹാപൂജയിലും സംബന്ധിച്ച മുഴുവന്‍ പേര്‍ക്കും അന്നദാനവും ഒരുക്കിയിരുന്നു.