Author: Binoy Balan

സംശുദ്ധചിന്തയും കഠിന പ്രവൃത്തിയുമാണ് ജീവിതവിജയത്തിന്റെ അടിസ്ഥാന ഘടകങ്ങൾ: ദിനേശ് മുങ്ങത്ത്

കാഞ്ഞങ്ങാട്: നല്ല ചിന്തകളും കഠിനാധ്വാനവുമാണ് ഓരോ മനുഷ്യന്റെയും ജീവിതവിജയത്തിന്റെ അടിസ്ഥാന ഘടകങ്ങളെന്ന് പ്രശസ്ത മോട്ടിവേഷനൽ സ്പീക്കറും എഴുത്തുകാരനുമായ ദിനേശ് മുങ്ങത്ത് അഭിപ്രായപ്പെട്ടു.മഹാകവി എസ് രമേശൻ നായർ സ്മൃതി ട്രസ്റ്റും മിംടെക് മാരുതി മെഡിക്കൽ ഇൻസ്റ്റിറ്റ്യൂട്ടും സംയുക്തമായി വിദ്യാർത്ഥികൾക്കായി സംഘടിപ്പിച്ച “ജീവിത വിജയം ” എന്ന വിഷയത്തിൽ നടത്തിയ മോട്ടിവേഷൻ ക്ലാസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.ജീവിതത്തെ ക്രമപ്പെടുത്തുക എന്നതാണ് ആദ്യം ശീലിക്കേണ്ടത്.നല്ല ശീലങ്ങൾ ദിനചര്യയുടെ ഭാഗമായാൽ ജീവിതം ഏറ്റവും സുന്ദരമായി മാറുമെന്നും അദ്ദേഹം അഭിപ്രായപ്പെട്ടു.ചടങ്ങിൽ മഹാകവി എസ് രമേശൻ നായർ സ്മൃതി ട്രസ്റ്റ് ചെയർമാൻ സുകുമാരൻ പെരിയച്ചൂർ അദ്ധ്യക്ഷത വഹിച്ചു.മിംടെക് മാനേജർ രാജി കെ, അഞ്ജലി അജിത്,ദിൽന ബിജേഷ്,വിദ്യ അരയി,അതുൽ കൃഷ്ണ,അമൽ ജയകൃഷ്ണൻ, ജിതിൻ കെ വി ,അബിൻ കെ, മാത്യു സോജൻ എന്നിവർ സംസാരിച്ചു.

പാലക്കുന്ന്: കഴകം ഭഗവതി ക്ഷേത്ര പരിധിയിൽ പെടുന്ന  പൂച്ചക്കാട് തായത്ത് വയനാട്ടുകുലവൻ തറവാട്ടിൽ പ്രതിഷ്ഠയും കളിയാട്ടവും 18നും 19നും നടക്കും.18ന് രാവിലെ 10.35നും 11.35നും മധ്യേ പടിഞ്ഞാർ ചാമുണ്ഡിഅമ്മയുടെയും ഗുളികൻ തെയ്യത്തിന്റെയും പ്രതിഷ്ഠ കർമങ്ങൾ നടക്കും. വൈകീട്ട് സന്ധ്യാദീപത്തിന് ശേഷം മറൂട്ടും 10ന് തെയ്യംകൂടലും. പുലർച്ചെ പൊട്ടൻ തെയ്യത്തിന്റെ പുറപ്പാട്.

19ന്  11ന് പടിഞ്ഞാർ ചാമുണ്ഡിയും 12ന് വിഷ്ണുമൂർത്തിയും തുടർന്ന് ഗുളികൻ തെയ്യവും അരങ്ങിലെത്തും. 4ന് വിളക്കലരിയോടെ സമാപനം. രണ്ട് ദിവസവും ഉച്ചയ്ക്ക് അന്നദാനം ഉണ്ടായിരിക്കും.

പുതിയകണ്ടം:അടിയാർകാവ് ശ്രീ കരിഞ്ചാമുണ്ഡി അമ്മ ദേവസ്ഥാനത്ത് നടക്കുന്ന പുന:പ്രതിഷ്ഠ ചടങ്ങിൻ്റെ പ്രവർത്തനങ്ങളുടെ വിജയത്തിനായി വിപുലമായ ആഘോഷ കമ്മിറ്റി രൂപീകരണവും ദേവസ്ഥാന പുന:രുദ്ധാരണ സമിതിയുടെ ജനറൽ ബോഡി യോഗവും നടന്നു.

പുന:രുദ്ധാരണ സമിതി ചെയർമാൻ വി.വി.ലക്ഷ്മണൻ്റെ അദ്ധ്യക്ഷതയിൽ നടന്ന യോഗത്തിൽ അടിയാർകാവിൽ അടുത്ത മാസം നടക്കുന്ന പ്രതിഷ്ഠാചടങ്ങുകളുടെ പ്രവർത്തനങ്ങൾ ഏകോപിച്ചു മുന്നോട്ടു പോകാൻ വിപുലമായ ആഘോഷ കമ്മിറ്റിയും രൂപികരിച്ചു.

രക്ഷാധികാരി:കുമാരൻ കോമരം(കല്യാൽ മുച്ചിലോട്ട് സ്ഥാനീകൻ)

സ്വീകരണ കമ്മിറ്റി: വി.വി. ലക്ഷ്മണൻ ( ചെയർമാൻ) രമേശൻ പുതിയകണ്ടം (കൺവീനർ)അരവിന്ദൻ പൊടിക്കളം,

രതീഷ് അതിയാമ്പൂർ(പ്രോഗ്രാം കമ്മിറ്റി ) പി.പത്മിനി ടീച്ചർ (ചെയർപേഴ്സൺ)

ഗിരിജ രാജു. കെ ( കൺവീനർ )

സ്റ്റേജ് ആൻ്റ് ഡെക്കറേഷൻ:

വിനാദൻ കെ.വി.(ചെയർമാൻ)

രതീശൻ ടി.കെ.(കൺവീനർ)

ഭക്ഷണ കമ്മിറ്റി:

അരവിന്ദൻ.എം.വി.(ചെയർമാൻ)

കുഞ്ഞികൃഷ്ണൻ. പി കുമാരൻ കെ.ടി(കൺവീനർമാർ)

സ്ഥാനീക സമിതി:ചന്ദ്രബാബു മേലടുക്കം (ചെയർമാൻ ) ഭരതൻകണ്ടത്തിൽ(കൺവീനർ) ഗ്രീൻ പ്രോട്ടോകോൾ: കൈരളി. പി (ചെയർപേഴ്സൺ)

ശ്യാമള ടി സരോജിനി. പി (കൺവീനർമാർ )

പബ്ലിസിറ്റി: രാജു കരിപ്പാടക്കൻ( ചെയർമാൻ  എന്നീ കമ്മിറ്റികൾ നിലവിൽ വന്നു.

തച്ചങ്ങാട് -പൊടിപ്പളം കണ്ടത്തിൽ ശ്രീ രക്‌തേശ്വരി ദേവസ്ഥാന കളിയാട്ട ഭാഗമായി വിഭവ സമൃദ്ധമായ കലവറ നിറയ്ക്കൽ ചടങ്ങ് കോട്ടപ്പാറ ശ്രീ വയനാട്ടുകുലവൻ ദേവസ്ഥാനത്ത് നിന്ന് നൂറുകണക്കിന് ആളുകളുടെ അകമ്പടിയോട് കൂടി നടന്നു

സംഘടക സമിതി ചെയർമാൻ ശിവരാമൻ മേസ്ത്രി നേതൃത്വം നൽകി .

വൈകുന്നേരം ഭണ്ഡാരം എഴുന്നള്ളത്ത് രാത്രി രക്‌തേശ്വരി ദേവിയുടെ തിടങ്ങൽ, കുളിച്ചു തോറ്റം തുടർന്ന് മാതൃസമിതിയുടെ കൈ കൊട്ടി കളി

18 ന് രാവിലെ ദേവിയുടെ പുറപ്പാട് ഉച്ചയ്ക്ക് അന്നദാനം വൈകുന്നേരം വിളക്കിലരിയോട് കൂടി സമാപനം

കാസറഗോഡ് : ഇന്ത്യൻ യൂണിയൻ ദളിത് ലീഗ് കാസറഗോഡ് മണ്ഡലം കമ്മിറ്റി നിലവിൽ വന്നു.

പ്രസിഡണ്ടായി ഗോപാലൻ ബാങ്കോട്, വൈസ് പ്രസിഡണ്ടായി ശിവണ്ണാ ബി.ആർ., വാദിരാജ് എതിർത്തോട്, സഞ്ചിവൻ കൊപ്പൽ

ജനറൽ സെക്രട്ടറിയായി പ്രഭാകരൻ കെ., ജോയിന്റ് സെക്രട്ടറിയായി വിജേഷ് കൊപ്പൽ, മീനാക്ഷി മൊഗ്രാൽ പുത്തൂർ, ഉമേഷന്‍ ഹൊന്നമൂല

ട്രഷറർ ശശി അജക്കോട് എന്നിവരെയും തെരെഞ്ഞെടുത്തു.മണ്ഡലം കമ്മിറ്റി രൂപീകരണ യോഗത്തിൽ നാസർ ചെർക്കളം നിരീക്ഷകനായിരുന്നു.

ജില്ലാ പ്രസിഡന്റ്‌ രാജു കൃഷ്ണ അധ്യക്ഷനായിരുന്നു. മുനിസിപ്പൽ മുസ്‌ലിം ലീഗ് സെക്രട്ടറി അമീർ പള്ളിയാൻ മുഖ്യ പ്രഭാഷണം നടത്തി.

ദളിത്‌ ലീഗ് സംസ്ഥാന വൈസ് പ്രസിഡന്റ്‌ കലാഭവൻ രാജു, ജില്ലാതല സംഘാടകൻ ഒ.കെ. പ്രഭാകരൻ എന്നിവർ സംസാരിച്ചു.