സൗദി ആരോഗ്യ മന്ത്രാലയത്തിലേക്ക് നോര്ക്കയുടെ റിക്രൂട്ട്മെന്റ് നവംബര് 30 നകം അപേക്ഷ സമര്പ്പിക്കണം.
സൗദി ആരോഗ്യ മന്ത്രാലയത്തിലേക്ക് നോര്ക്കയുടെ റിക്രൂട്ട്മെന്റ്. സൗദിഅറേബ്യ ആരോഗ്യമന്ത്രാലയത്തിലേക്കുളള സ്റ്റാഫ്നഴ്സ് (വനിതകള്) ഒഴിവുകളിലേയ്ക്കാണ് നോര്ക്ക റൂട്ട്സ് റിക്രൂട്ട്മെന്റ് സംഘടിപ്പിക്കുന്നത്. ബേണ്സ്, ക്രിട്ടിക്കല് കെയര് യൂണിറ്റ് (സിസിയു), ഡയാലിസിസ്, എമര്ജന്സി റൂം, ഐസിയു (അഡള്റ്റ്), ന്യൂബോണ് ഇന്റന്സീവ് കെയര് യൂണിറ്റ്, ഓങ്കോളജി, ഓപ്പറേറ്റിംഗ് റൂം, പീഡിയാട്രിക് ഇന്റന്സീവ് കെയര് യൂണിറ്റ്, റിക്കവറി എന്നീ സ്പെഷ്യാലിറ്റികളിലാണ് ഒഴിവുകള്.
നഴ്സിങില് ബി.എസ്.സി പോസ്റ്റ് ബി.എസ്.സി വിദ്യാഭ്യാസയോഗ്യതയും സ്പെഷ്യാലിറ്റികളില് കുറഞ്ഞത് രണ്ടു വര്ഷത്തെ പ്രവൃത്തിപരിചയവുമുളള ഉദ്യോഗാര്ഥികള്ക്ക് അപേക്ഷിക്കാം. വിശദമായ സിവിയും വിദ്യാഭ്യാസം, പ്രവര്ത്തിപരിചയം, പാസ്പോര്ട്ട്, മറ്റ് അവശ്യരേഖകള് എന്നിവയുടെ പകര്പ്പുകള് സഹിതം www.norkaroots.org, www.nifl.norkaroots.org വെബ്സൈറ്റുകള് സന്ദര്ശിച്ച് 2024 നവംബര് 30 നകം അപേക്ഷ സമര്പ്പിക്കണം.
സൗദി കമ്മീഷന് ഫോര് ഹെല്ത്ത് സ്പെഷ്യലിസ്റ്റുകളില് നിന്നുള്ള പ്രൊഫഷണല് ക്ലാസിഫിക്കേഷന് (മുമാരിസ് + വഴി) യോഗ്യതയും, ഡാറ്റാഫ്ലോ വെരിഫിക്കേഷന്, എച്ച് ആര്.ഡി അറ്റസ്റ്റേഷന് എന്നിവയും രജിസ്റ്റര് ചെയ്യുന്നതിന് ആവശ്യമാണ്. അപേക്ഷകര് മുന്പ് SAMR പോര്ട്ടലില് രജിസ്റ്റര് ചെയ്തവരാകരുത്. കുറഞ്ഞത് ആറുമാസത്തെ കാലാവധിയുളള സാധുതയുളള പാസ്പോര്ട്ടും ഉളളവരാകണം. അഭിമുഖ സമയത്ത് പാസ്പോര്ട്ട് ഹാജരാക്കേണ്ടതാണ്. അഭിമുഖം ഡിസംബര് രണ്ടാംവാരം കൊച്ചിയില് നടക്കും. കൂടുതല് വിവരങ്ങള്ക്ക് നോര്ക്ക റൂട്ട്സ് ഗ്ലോബല് കോണ്ടാക്ട് സെന്ററിന്റെ ടോള്ഫ്രീ നമ്പറുകളില് 18004253939 (ഇന്ത്യയില് നിന്നും) +91 8802012345 (വിദേശത്ത് നിന്നും മിസ്ഡ് കോള് സൗകര്യം) ബന്ധപ്പെടാവുന്നതാണ്.
